icimden bır gun benı sevındırecek bebışıme nınnı soylemek gelır.kafayı yedım her halde
Lay-lay beşiyim, lay-lay,
Evim-eşiyim, lay-lay.
Sen get şirin yuxuya,
Çəkim keşiyin lay-lay.
Lay-lay əməyim bala,
Duzum-çörəyim bala.
Gözləyirəm yekələsən,
Görüm köməyin bala.
Lay-lay dedim gündə mən,
Kölgədə sən, gündə mən.
İldə bir qurban olar,
Sənə qurban gündə mən.
Balam, lay-lay, a lay-lay!
Gülüm, lay-lay, a lay-lay!
Lay-lay dedim həmişə,
Karvan gedər enişə.
Yastığında gül bitsin,
Döşəyində bənövşə.
Balam, lay-lay, a lay-lay!
Gülüm, lay-lay, a lay-lay!
Lay-lay dedim yatasan,
Qızıl gülə batasan.
Qızıl gülün içində
Şirin yuxu tapasan.
Lay-lay dedim yatasan,
Qızıl gülə batasan
Qızıl bağın olsun,
Kölgəsində yatasan.
Lay-lay deyim boyunca
Baş yastığa qoyunca
Pardaxlan, qızıl gülüm
Bir iyləyim doyunca.
Balam, lay-lay a lay-lay,
Gülüm, lay-lay a lay-lay.
Lay-lay dedim yatınca,
Gözlərəm ay batınca,
Lay-lay dedim ucadan,
Günüm çıxdı bacadan,
Səni Allah saxlasın,
Çiçəkdən, qızılcadan.
Aranında gül bitsin,
Yaylağında bənövşə.
Laylası dərin bala,
Yuxusu şirin bala,
Canım zinhara gəldi,
Sən hasilə çatınca.
Allah'dan əhdim budur
Toyunu görüm, bala.
Bizim yerlər qalın meşə,
Taxtında otur həmişə.
Lay-lay dedim yatasan,
Qızıl gülə batasan.
Qızılgül kölgəsində
Şirin yuxu tapasan.
Balama can demişəm
Ağlama, can demişəm.
Balam dil açan günə
Quzu qurban demişəm.
Lay-lay balam, ağlama,
Ürəyimi dağlama
Yat yuxun şirin olsun,
Yuxuma daş bağlama